کۆلێژى زانستە ئیسلامییەکانى زانکۆى سلێمانى ساڵیادى کارەساتى بەناو ئەنفال و جینۆسایدى گەلى کورد بەرز رادەگرێت.
ئەمڕۆ یەک شەممە، رێکەوتى 14-4-2024 کۆلێژى زانستە ئیسلامییەکان هەستا بە بەرزڕاگرتنى کارەساتی بەناو ئەنفال و جینۆسایدى گەلى ستەملێکراوى کورد، کە یەکێکە لەو برینە قوڵانەى لەمێژووى گەلى کورد یادگەو یادەوەرییەکى تاڵى هەیەو پێویستە نەوە پێگەیشتووەکانى ئێستاش باشتر لەو کارەسانە ناهەموارە تێبگەن کە بەسەر ئەم گەلەدا هاتووە. لەئێستادا گەلانى جیهان ئەو ڕاستییە باش دەزانن کە جینۆسایدی کوردستان بە چەندین قۆناغ ئەنجامدراوە، کە زیاتر لە (182000) کەس لە گەنج و پیر و منداڵ زیندە بە چاڵ و کۆمەڵکوژ کراون. ئەمڕۆ کە نزیکەى (36) ساڵ بەسەر کارەساتی جینۆسایدى گەلەکەماندا تێدەپەڕێت و رۆژی (14 نیسانی 1988) بەهۆی شاڵاوی بەناو ئەنفالەوە ئەم جینۆسایدە گەیشتە ئاستێكی ترسناك و زۆربەی هەرە زۆری ناوچەكانی كوردستانی گرتەوە، بە ساڵرۆژى ئەو جینۆسایدە ناونراوە و هەموو ساڵێك لەو رۆژەدا بەڕێوڕەسمی جیاجیا ئەو یادە دەكرێتەوە.
هەربۆیە مامۆستایان و خوێندکارانى کۆلێجەکەمان پاش چەند دەقیقەیەک وەستان بۆ گیانى پاکى قوربانییەکان، لەسەرەتاى وانەى یەکەمى هەموو قۆناغ و بەشەکانى کۆلێجەکەماندا تیشک خرایە سەر تاوانى جینۆسایدى گەلى کورد و نەوەکانى ئێستا باشتر بەو تاوانە ئاشنا کران.
لەکۆتاییدا جێی خۆیەتی هەمووان لەم یادەدا نزاى خێر بۆ سەرجەم قوربانیانی ئەم جینۆسایدە بکەین و زیاتر گرنگى بە کەس و کاری قوربانییەکان بدەین. هیوادارین ئەم یادە ببێتە هەوێنی یەکڕیزی گەلی کورد و کۆتایی هاتنی نەهامەتییەکان.
راگرایەتى کۆلێژى زانستە ئیسلامییەکان – زانکۆى سلێمانى
سەر لەبەيانى رۆژى یەک شەممە، رێکەوتى (28/ 4 / 2024) لە کۆلێجى زانستە ئیسلامییەکان/زانکۆى سلێمانى، لەهۆڵى سيمينارى كۆلێج گفتوگۆى (تێزى دكتۆرا)ى خوێندكارى خوێندنى باڵا (آلاء طارق رؤوف) بەناونیشانى (تأثير الدراسات الاستشراقية على العقيدة الإسلامية في كوردستان العراق – دراسة تقومية مقارنة) بەڕێوەچوو.
ليژنەى گفتوگۆ پێكهاتبوون لەم بەڕێزانەى لاى خوارەوە:
پاش گفتوگۆیەکی وورد و بەرگری خوێندکار لەتوێژینەوەکەى، تێزى دکتۆراکە پەسەند کرا.
بە ناوی ڕاگرایەتی کۆلێجی زانستە ئیسلامییەکانەوە پیرۆزبایی گەرم لە خوێندکار و سەرپەرشتیارى ناوبراوى ئەم توێژینەوەیە دەکەین.
سەر لەبەيانى رۆژى یەک شەممە، رێکەوتى (28/ 4 / 2024) لە کۆلێجى زانستە ئیسلامییەکان/زانکۆى سلێمانى، لەهۆڵى کتێبخانەى كۆلێج گفتوگۆى (ماستەرنامە)ى خوێندكارى خوێندنى باڵا (يوسف عبدالله قادر) بەناونیشانى (أثر اختلاف القراءات العشر في مقاصد الأحكام – دراسة تحليلية تطبيقية) بەڕێوەچوو.
ليژنەى گفتوگۆ پێكهاتبوون لەم بەڕێزانەى لاى خوارەوە:
پاش گفتوگۆیەکی وورد و بەرگری خوێندکار لەتوێژینەوەکەى، ماستەرنامەکە پەسەند کرا.
بە ناوی ڕاگرایەتی کۆلێجی زانستە ئیسلامییەکانەوە پیرۆزبایی گەرم لە خوێندکار و سەرپەرشتیارى ناوبراوى ئەم توێژینەوەیە دەکەین.