بەئامادەبوونى بەڕێز راگرى کۆلێج و مامۆستایان و فەرمانبەرانى کۆلێجى زانستە ئسلامییەکان، ساڵیادى کیمیابارانى هەڵەبجە بەڕێوەچوو.
ئەمڕۆ 17ى ئازارى 2024، کۆلێجى زانستە ئیسلامییەکان لە هۆڵى سیمینارەکانى کۆلێج، بە ئامادەبوونى بەڕێز (پ.ی.د. خالید أحمد مصطفى)، راگرى کۆلێج و مامۆستایان و فەرمانبەرانى کۆلێج، ئیڤێنتێکى تایبەت بە ساڵیادى کیمیابارانى هەڵەبجە بەڕێوەچوو. سەرەتاى ئیڤێنتەکە بە خوێندنەوەى چەند ئایەتێک لەقورئانى پیرۆز لەلایەن بەڕێز (مامۆستا سامان شوانى)یەوە دەستى پێکرد. دواتر هەر لەلایەن بەڕێزیانەوە قەصیدەیەکى تایبەت بە ساڵیادى کیمیابارانى هەڵەبجە پێشکەش کرا. پاش وەستانى دەقیقەیەک بۆ گیانى پاکى شەهیدان، وتارى ئەنجومەنى کۆلێج لەلایەن بەڕێز (پ.ی.د. محمد حسێن) خوێندرایەوە.
شایانى باسە تەواوى بڕگەکانى ئیڤێنتێکە لەلایەن بەڕێز (د. ئاراس حەمە أمین)ەوە بەڕێوەبرا. وە لەکۆتا بڕگەدا لەلایەن بەڕێز (د. سەربەست نادر)ەوە توێژینەوەیەکى ورد بەناونیشانى (بەکارهێنانی چەکی کیمیاوی لە هەڵەبجە لە ڕووانگەی فقهی ئیسلامی هاوچەرخەوە) پێشکەش کرا.
پوختەى توێژینەوەکە:
“ئەم توێژینەوەیە لێکۆڵینەوەو دیراسەی بەکارهێنانی چەکی کیمیاوی لە شاری هەڵەبجە ئەکات لە ڕووانگەی یاسای ئیسلامی هاوجەرخ وەهەروەها مەبەستەکانی شەریعەتی ئیسلامی کە ئامانج لە هاتنیان پاراستنی بەرژەوەندیەکانی مرۆڤایەتە لە ئێستاو داهاتوودا کە خۆی ئەبینێتەوە لە پاراستنی ئایین و مرۆڤ و ژیری و سامان و ڕەچەڵەکی مرۆڤەکاندا، کێشەی توێژینەوەکە لێرەدا بریتیە لە پێوان و قیاس کردنی بەکارهێنانی چەکی کۆمەڵکوژ یان چەکی کیمیاوی بە چەکی منجەنیق و هەندێ چەکی تقلیدی کە لە جەنگەکانی ڕابردودا بەکار هێنراوون ئەمەش جیاوازیان زۆرە، ئەم توێژینەوەیە گرنگیەکی گەورەی هەیە ئەویش ئەوەیە کە یاسای ئیسلامی بە چەندین مەبدەئی جێگیر و یاسای فقهی کە ڕێز لە مرۆڤبوونی مرۆڤەکان ئەگرێت لە هەموو کاتێکدا و وە لەکاتی جەنگیشدا، هەر بۆیە مەبەستەکانی شەریعەتی ئیسلامی هاتوون بە مەبدەئی پاراستنی گیانی مرۆڤ وە جێنەهێشتنی بۆ کوشتن و تێکدان و وێرانکاری، توێژەر بەشێوە یەکی بەدواداچون و هەڵێنجاندن لێکۆڵینەوەی لە بابەتەکەدا کردووە، لەم توێژینەوەدا دەرکەوتوە کە حوکمی بەکارێنانی چەکی کۆمەڵکوژ لە یاسای ئیسلامیدا و لە بەرامبەر پێکردنی ڕاو بۆچونی زانایانی شەرعناسدا وە لە شیکاری مەبەستیدا کۆمەڵکوژی جەریمەیە.”
سەر لەبەيانى رۆژى یەک شەممە، رێکەوتى (28/ 4 / 2024) لە کۆلێجى زانستە ئیسلامییەکان/زانکۆى سلێمانى، لەهۆڵى سيمينارى كۆلێج گفتوگۆى (تێزى دكتۆرا)ى خوێندكارى خوێندنى باڵا (آلاء طارق رؤوف) بەناونیشانى (تأثير الدراسات الاستشراقية على العقيدة الإسلامية في كوردستان العراق – دراسة تقومية مقارنة) بەڕێوەچوو.
ليژنەى گفتوگۆ پێكهاتبوون لەم بەڕێزانەى لاى خوارەوە:
پاش گفتوگۆیەکی وورد و بەرگری خوێندکار لەتوێژینەوەکەى، تێزى دکتۆراکە پەسەند کرا.
بە ناوی ڕاگرایەتی کۆلێجی زانستە ئیسلامییەکانەوە پیرۆزبایی گەرم لە خوێندکار و سەرپەرشتیارى ناوبراوى ئەم توێژینەوەیە دەکەین.
سەر لەبەيانى رۆژى یەک شەممە، رێکەوتى (28/ 4 / 2024) لە کۆلێجى زانستە ئیسلامییەکان/زانکۆى سلێمانى، لەهۆڵى کتێبخانەى كۆلێج گفتوگۆى (ماستەرنامە)ى خوێندكارى خوێندنى باڵا (يوسف عبدالله قادر) بەناونیشانى (أثر اختلاف القراءات العشر في مقاصد الأحكام – دراسة تحليلية تطبيقية) بەڕێوەچوو.
ليژنەى گفتوگۆ پێكهاتبوون لەم بەڕێزانەى لاى خوارەوە:
پاش گفتوگۆیەکی وورد و بەرگری خوێندکار لەتوێژینەوەکەى، ماستەرنامەکە پەسەند کرا.
بە ناوی ڕاگرایەتی کۆلێجی زانستە ئیسلامییەکانەوە پیرۆزبایی گەرم لە خوێندکار و سەرپەرشتیارى ناوبراوى ئەم توێژینەوەیە دەکەین.