ئەمڕۆ یەکشەممە، 17ی 12ی 2023، یەکەم رۆژی کۆنفرانسی زانستی نێودەوڵەتی (زانای گەورە شێخ مارفی نۆدێی و خەرمانێ لەبەخشینە زانستی و ئەدەبیەکانی)، بەسەرکەوتوویی بەڕێوەچوو. سەرەتا لە هۆڵێکی گەورەو فراواندا پێشوازی لە ئاپۆرای توێژەران و میوانان کراو بەرنامەکانی ئاهەنگی کردنەوەی کۆنفرانس بەخوێندنەوەی چەند ئایەتێک لەقورئانی پیرۆز لەلایەن مامۆستا رەعد کوردیەوە دەستیپێکرد، پاش وەستانی دەقیقەیەک بۆ گیانی پاکی شەهیدان و ڕێزگرتن لەئاڵای شەکاوەی کوردستان، هەروەها وتەی بەخێرهاتن لەلایەن د.خالد احمد ڕاگری کۆلێج و سەرۆکی لێژنەی باڵای کۆنفرانس پێشکەشکرا.
دواتر بەڕێز پرۆفیسۆر دکتۆر کۆسار محمد علی سەرۆکی زانکۆی سلێمانی و سەرپەرشتیاری گشتی کۆنفرانس وتەیەکی پێشکەش کرد.
پاشان درعی ڕێز لێنانی کۆنفرانس و کۆلێجی زانستە ئیسلامیەکان لەلایەن د. خالد احمدەوە پێشکەش بەسەرۆکی زانکۆو وەزیری خوێندنی باڵاو توێژینەوەی زانستی کرا.
دواتر بەڕێز مامۆستا (سەرمەد دەشتی لەتیف) وتاری خانەوادەی شێخ مارفی نۆدێی پێشکەش کرد. وە دوای ئەوە ڤیدیۆیەکی کورت دەربارەی ژیان و کۆششە زانستیەکانی شێخ مارف پێشکەشکرا، پاشان چەند چالاکییەکى هونەری و ئەدەبی لەلایەن بەڕێزان: مامۆستا (سامان شوانی و مامۆستا بیلال کەیوانی)یەوە پێشکەشکران.
کۆتا بەشی ئاهەنگی کردنەوەی کۆنفرانس بریتیبوو لەپانێڵێکی زانستی تایبەت بە ڕۆڵ و کاریگەری زانای گەورە شێخ مارف، کە تیایدا لەلایەن هەریەک لە بەڕێزان پرۆفیسۆر د. صەباح محمد بەرزنجی و پرۆفیسۆری یاریدەدەر د. عبداللطيف أحمدەوە دوو وتە پێشکەشکران. وە بەڕێز یاریدەدەری ڕاگری کۆلێجی زانستە ئیسلامیەکان پرۆفیسۆری یاریدەدەر دکتۆر محمد حسین پێنجوێنی بەڕێوەبەری پانێڵەکەبوو.
لیستى ئامادەبوان – دڵنیایی جۆرى (رۆژى یەکەم_17ى 12ى 2023)
لیستى ئامادەبوان – گشتى (رۆژى یەکەم_17ى 12ى 2023)
سەر لەبەيانى رۆژى سێ شەممە، رێکەوتى (14 / 5 / 2024) لە کۆلێجى زانستە ئیسلامییەکان/زانکۆى سلێمانى، لەهۆڵى سیمینارەکانى كۆلێج گفتوگۆى (ماستەرنامە)ى خوێندكارى خوێندنى باڵا (ئامانج جعفر محمد) بەناونیشانى: (ابن العطار وآراؤه العقدية في الإلهيات من خلال كتبه الاعتقاد الخالص – دراسة تحلیلیة) بەڕێوەچوو.
ليژنەى گفتوگۆ پێكهاتبوون لەم بەڕێزانەى لاى خوارەوە:
١- پ.د. عبدالله محمد كريم / زانکۆى سلێمانى (سەرۆكى ليژنە)
٢- پ.د. ئازاد سعید سمو/ زانکۆى دهۆک (ئەندام)
٣- پ.ی.د. سامان صلاح محمد / زانکۆى كلية الإمام الأعظم (ئەندام)
٤- پ.ی.د. خاليد أحمد مصطفى / زانکۆى سلێمانى (ئەندام و سەرپەرشتيار)
پاش گفتوگۆیەکی وورد و بەرگری خوێندکار لەتوێژینەوەکەى، ماستەرنامەکە پەسەند کرا.
بە ناوی ڕاگرایەتی کۆلێجی زانستە ئیسلامییەکانەوە پیرۆزبایی گەرم لە خوێندکار و سەرپەرشتیارى ناوبراوى ئەم توێژینەوەیە دەکەین.
سەر لەبەيانى رۆژى سێ شەممە، رێکەوتى (14 / 5 / 2024) لە کۆلێجى زانستە ئیسلامییەکان/زانکۆى سلێمانى، لەهۆڵى کتێبخانەى كۆلێج گفتوگۆى (ماستەرنامە)ى خوێندكارى خوێندنى باڵا (عرفان محسن یاسین) بەناونیشانى: (منهج عرفان عبدالحميد في دراسة الفرق الإسلامية في كتابه-دراسات في الفرق والعقائد الإسلامية- دراسة تحلیلیة نقدية) بەڕێوەچوو.
ليژنەى گفتوگۆ پێكهاتبوون لەم بەڕێزانەى لاى خوارەوە:
١- پ.د. كريم محمد ككو / زانکۆى ئاكرێ (سەرۆكى ليژنە)
٢- پ.ى.د. مهدی قادر أحمد / زانکۆى سلێمانی (ئەندام)
٣- پ.ی.د. ناصح كريم عبدالله / زانکۆى سەلاحەدین (ئەندام)
٤- پ.ی.د. زانا محمد أمين / زانکۆى سلێمانى (ئەندام و سەرپەرشتيار)
پاش گفتوگۆیەکی وورد و بەرگری خوێندکار لەتوێژینەوەکەى، ماستەرنامەکە پەسەند کرا.
بە ناوی ڕاگرایەتی کۆلێجی زانستە ئیسلامییەکانەوە پیرۆزبایی گەرم لە خوێندکار و سەرپەرشتیارى ناوبراوى ئەم توێژینەوەیە دەکەین.