کۆلێجى زانستە ئیسلامییەکانى زانکۆى سلێمانى لە (یەکەمین لۆتکەى زانستى بەرەنگاربوونەوەى مژادە هۆشبەرەکان لە هەرێمى کوردستان/عێراق) بەشدارى کاراى کرد.
رۆژى 7ى 3ى 2024، بەڕێز پ.ى.د. محمد عبدالله پێنجوێنى، مامۆستا لە کۆلێجى زانستە ئیسلامییەکانى زانکۆى سلێمان، بەسیمینارێک لە (یەکەمین لۆتکەى زانستى بەرەنگاربوونەوەى مژادە هۆشبەرەکان لە هەرێمى کوردستان/عێراق) بەشدارى کرد. شایانى باسە بەڕێزیان بە وردى تیشکى خستە سەر ئەو رێوشوێنانەى کە لە ئاینى پیرۆزى ئیسلامدا بەهەند وەرگیراون بۆ روبەڕووبوونەوەى ئەم دیاردەیەو هاوشێوەکانى کە رۆڵى گەورەیان هەیە لە داڕووخانى بەها کۆمەڵایەتییەکان و وێرانکردنى تواناو وزەى گەنجانى کۆمەڵگاکەمان. هاوکات بەڕێزان د.هەڤاڵ ئەبوبەكر پارێزگاری سلێمانی و د.كۆسار محمد سەرۆكی زانكۆی سلێمانی و چەندین کەسایەتى سیاسى و حکومیى ئامادەى کۆبوونەوەکە بوون.
لوتكەی زانستی مژادە هۆشبەرەكان لەلایەن بەڕێوەبەرایەتی گشتی تەندروستی سلێمانی بەهەمەهانگی دەزگای ئاسایشی هەرێم و زانكۆی سلێمانی و كۆلێژی پزیشكی ڕێكخراوە، نزیكەی 250 بەشداربوو لەهەموو سێكتەرە جیاوازەكانی ناو كۆمەڵگا بەشداربوون كەڕۆڵیان هەیە لەبەرەنگاربوونەوەی مژادە هۆشبەرەكان.
لە یەكەمین لوتكەی زانستی مژادە هۆشبەرەكان زیاتر لە 12 سیمنیاری زانستی و ئەمنی و یاسایی و ئاینی و كۆمەڵایەتی پێشكەش كرا لەگەڵ بەڕێوەچوونی پانێڵێكی كراوە بۆ لێپرسراونی پەیوەست بە مژادە هۆشبەرەكان كەتێدا گفتوگۆی زیاتری بابەتەكان كرا و وە ڕۆڵی لایەنە پەیوەندیدارەكان لەبەرەنگاربوونەوەی مژادە هۆشبەرەكان و هۆشیاركردنەوەی كۆمەڵگا خرایەڕوو.
سەر لەبەيانى رۆژى سێ شەممە، رێکەوتى (14 / 5 / 2024) لە کۆلێجى زانستە ئیسلامییەکان/زانکۆى سلێمانى، لەهۆڵى سیمینارەکانى كۆلێج گفتوگۆى (ماستەرنامە)ى خوێندكارى خوێندنى باڵا (ئامانج جعفر محمد) بەناونیشانى: (ابن العطار وآراؤه العقدية في الإلهيات من خلال كتبه الاعتقاد الخالص – دراسة تحلیلیة) بەڕێوەچوو.
ليژنەى گفتوگۆ پێكهاتبوون لەم بەڕێزانەى لاى خوارەوە:
١- پ.د. عبدالله محمد كريم / زانکۆى سلێمانى (سەرۆكى ليژنە)
٢- پ.د. ئازاد سعید سمو/ زانکۆى دهۆک (ئەندام)
٣- پ.ی.د. سامان صلاح محمد / زانکۆى كلية الإمام الأعظم (ئەندام)
٤- پ.ی.د. خاليد أحمد مصطفى / زانکۆى سلێمانى (ئەندام و سەرپەرشتيار)
پاش گفتوگۆیەکی وورد و بەرگری خوێندکار لەتوێژینەوەکەى، ماستەرنامەکە پەسەند کرا.
بە ناوی ڕاگرایەتی کۆلێجی زانستە ئیسلامییەکانەوە پیرۆزبایی گەرم لە خوێندکار و سەرپەرشتیارى ناوبراوى ئەم توێژینەوەیە دەکەین.
سەر لەبەيانى رۆژى سێ شەممە، رێکەوتى (14 / 5 / 2024) لە کۆلێجى زانستە ئیسلامییەکان/زانکۆى سلێمانى، لەهۆڵى کتێبخانەى كۆلێج گفتوگۆى (ماستەرنامە)ى خوێندكارى خوێندنى باڵا (عرفان محسن یاسین) بەناونیشانى: (منهج عرفان عبدالحميد في دراسة الفرق الإسلامية في كتابه-دراسات في الفرق والعقائد الإسلامية- دراسة تحلیلیة نقدية) بەڕێوەچوو.
ليژنەى گفتوگۆ پێكهاتبوون لەم بەڕێزانەى لاى خوارەوە:
١- پ.د. كريم محمد ككو / زانکۆى ئاكرێ (سەرۆكى ليژنە)
٢- پ.ى.د. مهدی قادر أحمد / زانکۆى سلێمانی (ئەندام)
٣- پ.ی.د. ناصح كريم عبدالله / زانکۆى سەلاحەدین (ئەندام)
٤- پ.ی.د. زانا محمد أمين / زانکۆى سلێمانى (ئەندام و سەرپەرشتيار)
پاش گفتوگۆیەکی وورد و بەرگری خوێندکار لەتوێژینەوەکەى، ماستەرنامەکە پەسەند کرا.
بە ناوی ڕاگرایەتی کۆلێجی زانستە ئیسلامییەکانەوە پیرۆزبایی گەرم لە خوێندکار و سەرپەرشتیارى ناوبراوى ئەم توێژینەوەیە دەکەین.